Конкурс «Бібліяініцыятыва»

Дзяржаўная ўстанова культуры "Луніецкая раённая цэнтралізаваная бібліятэчная сістэма" праводзіць конкурс бібліятэчных праектаў "Бібліяініцыятыва": лепшыя ідэі для паспяховай бібліятэкі. Журы конкурсу чакае вашыя ідэі да 1 верасня  2017 года.

Палажэнне

аб правядзенні конкурсу бібліятэчсных праектаў “Бібліяініцыятыва”: лепшыя ідэі для паспяховай бібліятэкі

Мэты і задачы:

         — развіццё інавацыйнага патэнцыялу бібліятэк Лунінецкага раёна;

         — актывізацыя праектнай дзейнасці бібліятэк;

         — выяўленне перадавога прафесійнага вопыту;

         — развіццё партнёрскіх сувязей бібліятэк з органамі мясцовай улады, грамадскімі арганізацыямі і ўстановамі.

Арганізацыя конкурса

         Конкурс правоздіцца з 1 мая па 30 верасня 2017 года. Для падвядзення вынікаў конкурсу збіраецца журы, якое ацэньвае прадстаўленыя праекты, вылучае лепшыя і арганізуе ўзнагароджванне пераможцаў. Тэма конкурсу свабодная.

         Да ўдзелу ў конкурсе прымаюцца:

         — праекты, якія прапануюць распрацоўку і правядзенне цыклаў мерапрыемстваў: лекцый, творчых сустрэч, інтэлектуальных конкурсаў ці іншых форм асветніцкай дзейнасці  (па выбранай тэме);

         — праекты, накіраваныя  на стварэнне спецыяльных інтэрнет-рэсурсаў ці літаратурных старонак існуючых вэб-сайтаў; віртуальных выставак; відэяфільмаў ці электронных выданняў: бібліяграфічных дапаможнікаў, зборнікаў і інш.;

         — выдавецкія праекты, якія прадугледжваюць падрыхтоўку і публікацыю буклетаў, зборнікаў, бібліяграфічных спісаў і паказальнікаў, прысвечаных выбранай тэме.

Умовы правядзення конкурса

         У конкурсе прымаюць удзел усе бібліятэкі ДУК “Лунінецкая РЦБС”.  Бібліятэкі-удзельнікі дзеляцца на дзве групы:

  1. цэнтральная раённая бібліятэка, цэнтральная дзіцячая бібліятэка, Мікашэвіцкая гарадская бібліятэка і Мікашэвіцкая дзіцячая бібліятэка ;
  2. сельскія бібліятэкі і бібліятэкі-клубы.

Праекты прымаюцца да 1 верасня 2017 г. па адрасу: г.Лунінец, вул. Фрунзэ, 12, аддзел бібліятэчнага маркетынгу цэнтральнай раённай бібліятэкі, ці па электроннай пошце lncrb@brest.by

Крытэрыі  ацэнкі  конкурсных работ:

  • адпаведнасць умовам конкурсу;
  • значнасць, актуальнасць і рэалістычнасць задач, на рашэнне якіх накіраваны праект;
  • інавацыйныя ідэі;
  • магчымасць выкарыстання вопыту ў іншых бібліятэках раёна;
  • наяўнасць у бібліятэкі партнёраў па рэалізацыі праекта;

Падвядзенне вынікаў і ўзнагароджванне

         У першай групе (гарадскія бібліятэкі) вызначаецца 1 пераможца, у другой –  3 (1-е, 2-е, 3-е месца). Па рашэнню  журы могуць прысуджацца заахвочвальныя прэміі. Лепшыя работы знойдуць адлюстраванне ў чарговым нумары бюлетэня “Бібліятэчная панарама”.

ПРЫЁМ  КОНКУРСНЫХ РАБОТ  ПАДОЎЖАНЫ  ДА 1 СНЕЖНЯ  2017 ГОДА.

Поделиться в социальных сетях:

Добавить комментарий