29 кастрычніка ў цэнтральнай бібліятэцы адбыўся круглы стол «Краязнаўчымі шляхамі Лунінеччыны». Акрамя краязнаўцаў і літаратараў Лунінеччыны ў мерапрыемстве бралі ўдзел госці з Пінска, Століна, Ганцавічаў і Баранавічаў. Ад лунінчанчан з паведамленнямі
выступілі Вадзім Жылко, Мікалай Ільючык, Наталля Базар, Васіль Мацкевіч, Святлана Гарда, Віктар Пінігін. Гаварылі пра краязнаўчы рух на Лунінеччыне, ролю ў ім рэгіянальных СМІ.
Аляксей Белы, Павел Куніцкі, Аляксей Галаскок, Аляксандр Ільін – госці з раёнаў-суседзяў, распавядалі пра краязнаўчыя матывы ў сваёй літаратурнай і журналісцкай творчасці.
У межах круглага стала адбылася прэзентацыя зборніка краязнаўчых матэраялаў “Краязнаўчымі шляхамі Лунінеччыны”, выдадзенага аддзелам бібліятэчнага маркетынгу цэнтральнай бібліятэкі. Укладальнік – гісторык і журналіст Вадзім Жылко. У зборнік увайшлі творы Вадзіма Жылко, Віктара Туміловіча, Сцяпана Нефідовіча, Льва Коласава, Аляксандра Жука, Івана Панасюка.
З заключным словам выступіла дырэктар цэнтралізаванай бібліятэчнай сістэмы Алена Кішкевіч. Яна сардэчна падзякавала ўсіх, хто сабраўся для ўдзелу ў рабоце круглага стала і выказала спадзяванне, што наша бібліятэка і надалей будзе месцам творчых зносін, месцам сустрэч з творчымі людзьмі.
Фота "Медиа-Полесье" і "Информ-прогулка"