24 чэрвеня 2017 г. у аграгарадку Дварэц адбылося V раённае свята "Лунінецкія клубніцы", на якім бібліятэчныя работнікі ладзілі кніжна-ілюстраваныя выставы і "Паэтычны панадворак". На выставах былі прадстаўлены кнігі і часопісныя артукулы, з якіх
можна даведацца пра гістрыю ўзнікнення клубніц, правілы іх вырошчвання, парады па прыгатаванню клубнічных прысмакаў, гаючыя ўласцівасці гэтай незвычайнай ягады і шмат іншага. Тут жа можна было купіць ляльку Тыльду, зробленую рукамі супрацоўнікаў і чытачоў цэнтральнай дзіцячай бібліятэкі.
Напярэдадні свята бібліятэкары і чытачы бібліятэк бралі ўдзел у конкурсах бібліятэчных куткоў, малюнкаў, мастацкіх вырабаў і 
літаратурных твораў на “клубнічную” тэматыку. Пераможцам у конкурсе бібліятэчных куткоў "Цуда-ягада" стала Лунінская сельская бібліятэка (загадчыца Лідзія Цімашэй).
"Паэтычны панадворак" ладзіўся з дапамогай клуба "Літаратурная правінцыя", што працуе пры цэнтральнай бібліятэцы.
На верхнім фота: члены клуба Ніна Нікіцюк, Марыя Міснікава, Віктар Пінігін, Людміла Бабіч, Анастасія Пратасавіцкая (у першым радзе злева направа).
На фота ўнізе: свае вершы, прысвечаныя лунінецкім клубніцам чытаюць Анастасія Пратасавіцкая, Людміла Бабіч, Максім Казун.
